15.11.2023 Impressione us de Baschtelwerkstatt 🙂 Cool wars! Dankä

11.10.2023

Mir freued euis, dass mr wieder es Wiehnachtsbaschtle defed ahbüte. Dasmal simmer im alte Schuelhuus Wila. Parkplätz hets vor Ort. Bitte meldet eui Chind per Mail oder Kontaktformular ah, damit mr sicher für alli gnueg Sache vor Ort hend.
Herzlich Simona und Andrea

20.08.2023
Schön, dass er euis am Stand psuecht hend. Es isch mega schön gsi, die viele Chindergsichter defe zschminke und so chli Farb mit uf de Weg durs Dorf defe geh. viele Dank fürs Vertraue!

15.05.2023

Mir sind am Dorffest Wila 2023 debii. Mir hend en Stand mit Sandrea Gonfi und bütet Kinderschminke ah. Mir freued euis uf zwei bunti Täg 😉

Herzlich
Simona & Andrea

24.10.2021

Hallihallo. Mir hend eus schweren Herzens dr zue entschiede, das Jahr keis Wiehnachtsbaschtle ahzbüte.

Mr freued euis uf es bunts & cools 2022! Mr hoffed mr chönd eune Chind im neue Jahr vieli lässigi Baschtel -Namittäg ahbüte.

Mr wünsched eui ganz eh schöni Herbst- und Wiehnachtszyt und freued euis ufs neue Jahr!

Herzlich Simona & Andrea

23.02.2021

Hallihallo..

Mr organisiered es Oschterbaschtle für eui Chind. Zur Zyt chömer ned im Schuelhuus baschtle, aber alternativ chömer s`Schützehüsli (Schützenhaus Wiesental) miete und euch en provisorische Ruum zur Verfüegig stelle.. Bitte meldet eui Chind per Mail oder Whatsapp bi euis ah. Plätz sind weg de jetzige Situation leider begränzt!

Mr Freued euis uf paar kreativi Stunde zum Thema Oschtere 🙂

S`Schützehüsli findet ihr ah de Wiesetalstrasse 10, 8492 Wila. Es het direkt vor em Huus Parkplätz.

30.10.2020

Leider hemmer euisi Werchstatt nach nur eim Baschtelnamittag wieder müesse schlüsse.. mit de neue Bestimmige vom Bundesrat und de Schuel, deffed mir die Baschteln- Namittäg aktuell nüm ahbüte..

Mir hoffed fescht, dass mir eui den im 2021 wieder mit neue Baschtelidee defed i euisi Baschtelwerchstatt ilade..

Liebed Xund und heb eui Sorg

Herzlich Simona & Andrea

So finded ihr eus